“Kalendari” politik: Berisha në dhjetor. Basha dhe Lu në janar.

Pak kohë më parë, Sali Berisha u shpreh se dhjetori do të shënonte edhe fundin e qeverisë. Seanca për zgjedhjen e Kryeprokurorit të Përkohshëm u mbyll me votimin e Arta Marku-t në një sfond tepër të acaruar. Mijëra opozitarë qëndronin në mbështetje të opozitës jashtë parlamentit. Në sallë kishte tym dhe sharje deri tek më banalet. Por fundi i qeverisë nuk ndodhi. Votimi për kryeprokurorin u bë në shkelje të Kushtetutës. Në një dalje për mediat, kreu i opozitës, Lulzim Basha, u shpreh se me aleatët po diskutohen hapat e tjerë dhe se opozita do të thërrasë protesta masive në janar. Muaji janar është edhe muaji për të cilin ambasadori Lu është shprehur rreth “peshqve të mëdhenj”.