Presidenti i Ukrainës ka akuzuar Rusinë për “gjenocid” pasi ajo bombardoi një spital për fëmijë dhe një maternitet në Mariupol të mërkurën.
Volodymyr Zelensky e quajti sulmin “përtej mizorive” dhe akuzoi Moskën për një “krim që pasqyron të gjithë të keqen që pushtuesit na kanë sjellë”.
Në një fjalim plot zjarr në Telegram vonë të mërkurën në mbrëmje, ai tha:
“Një spital fëmijësh, një maternitet… Si e kërcënuan Federatën Ruse? Çfarë shteti është kjo Federata Ruse, që ka frikë nga spitalet, maternitetet dhe po i shkatërron? A kishte banderola të vogla? Apo mos vallë do të qëllonin gratë shtatzëna në Rostov? Mos vallë dikush në maternitet i poshtëroi rusishtfolësit? Apo ishte denazifikimi i një spitali?”
Udhëheqësit botërorë dënuan sulmin të mërkurën, ku Boris Johnson e quajti shënjestrimin e grave shtatzëna dhe foshnjave “veprim të poshtër”.
Burimi: The Telegraph
