Aroma luan një rol shpesh të nënvlerësuar në tërheqjen seksuale, duke ndihmuar në shpjegimin e arsyes pse vetëm tërheqja vizuale nuk mund të shpjegojë sa tërheqës fizikisht një person perceptohet të jetë. Por çfarë roli luan aftësia jonë për të nuhatur partnerët tanë – ose partnerët e mundshëm – në përvojën aktuale?
Në studime të tjera të mëparshme është vërtetuar burrat e lindur pa aftësinë për të nuhatur, priren të kenë më pak partnerë seksualë. Dhe rreth gjysma e njerëzve që humbasin shqisën e nuhatjes, përmes ndonjë infeksioni ose lëndimi fizik, raportojnë ndikime negative në sjelljen e tyre seksuale.
Sidoqoftë, ky mund të jetë një efekt indirekt – paaftësia për të nuhatur shpesh shoqërohet gjithashtu me depresion ose pasiguri sociale, të cilat mund të ndikojnë në aspekte të seksualitetit – dhe studime të tilla nuk tregojnë nëse ndjenja e nuhatjes është e lidhur me përvojën seksuale midis njerëzve të shëndetshëm. Tani, në një punim të ri në Arkivat e Sjelljes Seksuale, Johanna Bendas në Universitetin Teknik të Dresdenit, Gjermani, dhe kolegët e saj studiues raportojnë prova nga të rriturit e shëndetshëm dhe të rinj që tregojnë pikërisht këtë.
Studiuesit morën për studim 42 gra dhe 28 burra të moshës nga 18 deri në 36 vjeç. Ata zbuluan se nuk kishte asnjë lidhje midis ndjeshmërisë së tyre ndaj erës (e matur duke përdorur një test që përcakton se sa një kimikat me erë duhet të jetë i pranishëm që individi të jetë në gjendje ta zbulojë atë) dhe ose dëshirën seksuale ose performancën seksuale (përcaktuar si sa herë ishin përfshirë në aktivitet seksual gjatë muajit të kaluar dhe sa kohë, mesatarisht, kishte zgjatur një takim seksual).
Megjithatë, njerëzit me një shqisë më të mprehtë të nuhatjes raportuan se aktivitetet e tyre seksuale u duken më “të këndshme” dhe gratë me një ndjeshmëri më të madhe ndaj aromave kishin më shumë orgazma gjatë seksit.
Të dhënat sugjerojnë një ndikim pozitiv të ndjeshmërisë së nuhatjes në jetën seksuale të pjesëmarrësve të rinj dhe të shëndetshëm. Shkencëtarët thonë se perceptimi i aromave të trupit si lëngjet vaginale, sperma dhe djersa duket se e pasurojnë përvojën seksuale duke rritur eksitimin seksual.
Ka disa kufizime në studim, duke përfshirë modelin korrelativ që do të thotë se faktorë të tjerë të panjohur mund të luajnë një rol shkakësor. Gjithashtu, ndërsa studiuesit kontrolluan përdorimin e kontraceptivit hormonal tek gratë, ata nuk morën parasysh fazën e ciklit menstrual të vullnetareve femra në kohën e studimit – diçka që dihet se ndikon në nuhatjen.
Kërkimet e ardhshme në këtë fushë duhet ta marrin parasysh këtë dhe mund të eksplorojnë më tej ndikimin e aromave specifike.
Burimi: British Psychological Society Research Digest
