Të thuash jo kur shefi ose kolegu të kërkon të marrësh një punë shtesë mund të jetë e pakëndshme. Por ka mënyra të këndshme për të refuzuar një kërkesë kur thjesht nuk keni energjinë e mjaftueshme për më shumë përgjegjësi. Më poshtë gjeni disa mënyra të thjeshta për të thënë “jo“, duke përfshirë shembuj.
Jepni një arsye të qartë. Provoni diçka si: “Me ngarkesën time aktuale të punës, nuk mendoj se do të jem në gjendje të përmbush pritshmëritë që keni për këtë projekt.” Nëse personi që bën kërkesën është menaxheri juaj, mund t’i kërkoni që t’ju ndihmojë të zhvendosni prioritetet tuaja aktuale për të krijuar vend për punën e re.
Riformuloni mundësinë. Ju mund të thoni: “Meqë ky projekt është jashtë përgjegjësive të mia tipike, nuk jam i sigurt se do të jem në gjendje të jap rezultate me cilësi të lartë në afatin kohor të dëshiruar. Megjithatë, nëse pranoni se do të më duhej pak kohë shtesë për të mësuar në punë, do të jem i lumtur ta bëja atë.”
Shpjegoni pse “jo“-ja juaj është në interesin më të mirë të të gjithëve. Tregoni kontekstin më të gjerë duke thënë: “Ndërsa kjo tingëllon si një mundësi e shkëlqyeshme dhe do të doja të thoja “po”, nëse do t’i kushtoja pesë orë në javë këtij projekti, puna ime aktuale do të vuante – dhe shokët e mi të skuadrës do të duhej ta merrnin me përtaci.”
Burimi: Harvard Business Review
Përktheu dhe përshtati: Mendimi.al
