Asnjë punë nuk është perfekte. Nëse jeni të pakënaqur, të demotivuar ose të demoralizuar në punë, si mund ta dalloni nëse jeni në rrugën e gabuar të karrierës – apo nëse kjo punë e veçantë është toksike?
Së pari, zbuloni “identitetin tuaj të karrierës” duke vlerësuar veten. Cilat janë vlerat, qëllimet, pasionet dhe pikat tuaja të forta? Dhe çfarë ju nevojitet nga punëdhënësi juaj për të sjellë veten tuaj më të mirë në punë?
Më pas, vlerësoni punëdhënësin tuaj për të kuptuar se ku është mospërputhja. Nëse ata po plotësojnë nevojat tuaja – ju ndiheni të vlerësuar, të përfshirë dhe të respektuar – por vetë puna nuk është në përputhje me identitetin tuaj të karrierës, ka të ngjarë që të jeni në funksionin e gabuar. Në këtë rast, mund të jetë koha për të ridrejtuar rrugën tuaj të karrierës.
Nga ana tjetër, nëse e doni punën tuaj, por punëdhënësi juaj nuk i plotëson nevojat tuaja, ndoshta jeni në një mjedis toksik. Nëse ndiheni rehat, bisedoni me menaxherin tuaj për shqetësimet tuaja dhe punoni së bashku për të gjetur zgjidhje. Nëse kjo bisedë nuk e përmirëson situatën tuaj, duhet të ndiheni të fuqizuar për të gjetur një punëdhënës të ri që do ta përmirësojë.
Burimi: Harvard Business Review
Përktheu dhe përshtati: Mendimi.al
