Buckingham Palace ka bërë të ditur se mbreti Çarls është diagnostikuar me kancer. Diagnoza u shfaq kohët e fundit ndërsa mbreti po trajtohej për një prostatë beninje të zmadhuar në Klinikën e Londrës.
Sipas një deklarate nga Buckingham Palace, zbulimi i kancerit ndodhi gjatë një procedure spitalore që trajtonte zmadhimin beninj të prostatës. Pas testeve diagnostike, u identifikua një formë specifike e kancerit.
Në deklaratë thuhet: “Gjatë procedurës së fundit të mbretit në spital për zmadhimin beninj të prostatës, u vu re një çështje e veçantë shqetësuese. Testet e mëvonshme diagnostikuese kanë identifikuar një formë kanceri”.
Në përgjigje të diagnozës, Mbreti Charles ka iniciuar një orar të rregullt trajtimi. Mjekët e kanë këshilluar që të shtyjë përkohësisht detyrat me publikun gjatë kësaj periudhe. Pavarësisht kësaj, monarku do të vazhdojë të angazhohet në punët shtetërore dhe dokumentet zyrtare si zakonisht.
Duke shprehur mirënjohjen ndaj ekipit të tij mjekësor për ndërhyrjen e tyre të shpejtë, mbreti mbetet optimist për trajtimin e tij. Ai është i etur për të rifilluar detyrat e plota publike sa më shpejt që të jetë e mundur.
