Pra, siç ju premtova, përgjatë kësaj kohe do flasim për dietën ketogjenike dhe benefitet e saj.
Sot do fokusohemi tek tipet e dietës ketogjenike dhe per secilën prej tyre do japim avantazhet dhe disavantazhet e secilës.
Duke dashur të mos ju ngarkoj me shumë informacion për të përpunuar, secilin tip do ta trajtojmë si post më vete.
Dieta standarde ketogjenike
Kjo është dieta më e zakonshme ketogjenike. E ulët në karbohidrate (20 – 25 gr në ditë), mesatare në proteina dhe mesatare në e lartë në yndyrna. Por raporti për secilin makronutrient varet nga preferencat, qëllimet dhe matjet, si psh pesha apo përqindja e dhjamit trupor.
Nëse qëllimi juaj është humbja e peshës, do t’ju duhet të hani në deficit kalorik, ndaj është e rëndësishme të peshoni dhe kontrolloni ushqimin që hani.
Avantazhet:
· Është një pikë fillimi shumë e mirë për këdo që dëshiron të provojë keto-n dhe ka potencial për të sjellë rezultate të shkëlqyeshme nëse ndiqet siç duhet.
· Shtyn ndjenjën e urisë.
· Përmirëson nivelin e insulinës, duke ulur dhe stabilizuar presionin e gjakut dhe nivelin e glukozës në gjak, ndihmon në menaxhimin e diabetit dhe PCOS.
· Eleminon dëshirën për të ëmbla.
Disavantazhet:
· Nëse nuk keni bërë një dietë me karbohidrate të ulëta, do t’ju duhet pak kohë të mësoheni.
· “Gripi” i keto-s dhe faza e adaptimit mund të jetë eksperiencë e pakëndshme.
· Kërkon një nivel të lartë preçizioni në peshimin dhe kontrollimin e ushqimit, si dhe ndaj suplementeve elektrolite.
· Zgjedhjet tuaja për ushqime janë të limituara tek ushqimet me pak karbohidrate.
Nesër do të vazhdojmë me dietën ciklike ketogjenike, e cila është një strategji më e avancuar. Stay tuned!
